التحرش وكيفية الدفاع عن النفس

التحرش الجنسى فى مصر بعد ما كان حادثة أيام فتاة العتبة وفتاة المعادى

أصبح ظاهرة أساسية فى المجتمع المصرى زيه زى التلوث البيئى وزى طابور العيش
شبكة اعلام مصرية نشرت موضوع لذيذ موت .. نقلا عن مجلة نسائية يابانية

بتوضح فيه لبنات حواء ازاى لما واحد يفكر يتحرش بيهم تقوم تاكلة العلقة التمام وتروقة
وقدمت المجلة بعض النصايح انك ما تلبسيش ملابس ضيقة او شفافة عشان المتحرشين ما يلاقوش حجة انهم بيتحرشوا
الغريب انهم عندنا دلوقت ما بيعتقوش لا محجبة ولا من غير حجاب ولا حتى منقبة
عزيزتى القارئة - ركزى معايا عشان نشوف تقدرى تدافعى عن نفسك ضد التحرش


[ندعوك للتسجيل في المنتدى أو التعريف بنفسك لمعاينة هذا الرابط]أولا :
لما تلاقى - المأسوف على عمره - المتحرش جاى منشكح وفاتح دراعاتة
والانشكاحة تعلوا شفتاه وضارب شعرة جل ولابس الحتة الزفرة تقومى باصة له
كدة بستهنة قال يعنى مش واخدة بالك .. يروح منشكح اكتر ومقرب وانتى واقفة
متنحة بردو وبعدين يروح مقرب اكتر وانتى مطنشة خالص



[ندعوك للتسجيل في المنتدى أو التعريف بنفسك لمعاينة هذا الرابط]
ثانيا : اول ما يبقى بينك وبينه اربعة سنتى وخلاص هيحضن .. روحى موطية يروح هوا حاضن الهوا



[ندعوك للتسجيل في المنتدى أو التعريف بنفسك لمعاينة هذا الرابط]ثالثا :
أول ما يحضن الهوا .. ويبقى ريشة فى مهب الريح .. تقومى انتى بقى داعكة
قورتك كدة لغاية ما تسخن وتحمر .. وتروحى رامية نفسك وترزعيه روسية ..
تيجى فى دماغة .. تيجى فى دقنة .. تيجى فى حبابى نن عنيه .. هو وحظة .. زى
ما تيجى تيجى



[ندعوك للتسجيل في المنتدى أو التعريف بنفسك لمعاينة هذا الرابط]رابعا :
صاحبك هياخد الروسية .. وعنيه هتلف .. وهينسى أسمة واحتمال ينسى نوعة ..
تقومى انتى بقى وهو فى حالة الدروخة دى رزعاه شلوت فى اى حتة ربنا يقدرك
عليها .. ده على الصعيد التحتانى .. اما على الصعيد العلوانى .. تقومى سنه
سنانك كدة وتروحى أرماه - أرماه فى اللغة يعنى عضاه بغل شديد - فى دراعة



[ندعوك للتسجيل في المنتدى أو التعريف بنفسك لمعاينة هذا الرابط]خامسا :
صاحبنا بقى بعد الشلوت اللى فى المكان اللى ربنا قدرك عليه .. وبعد العضة
التمام هيبقى عامل زى النخلة اللى بتولد .. شوفى انتى بقى النخلة اما
بتولد بيبقى شكلها ايه .. هو النخل اصلا بيولد ؟؟ .. ما علينا وهو موطى
وبيصوّت وبيسترجع ذكريات شبابة .. ايام ما كان عنده صحة ... تروحى انتى
بقى رزعاه بوكس فى ضهرة وياحبذا لو لابسة خاتم عشان يوجعة فى ضهرة اكتر



[ندعوك للتسجيل في المنتدى أو التعريف بنفسك لمعاينة هذا الرابط]سادسا :
هيبتدى عم المتحرش يراجع نفسة ويحاول يوطى على رجليكى يبوسها .. تقومى
انتى تعملى نفسك موافقة .. وبعدين تروحى مساكة راسة زى ما بتمسكة البطيخة
.. وتروحى وعلى فجاءة رزعاه بركبتك فى وش اللى جابوه .. هيعمل صوت كدة : اتنننننننننننن



[ندعوك للتسجيل في المنتدى أو التعريف بنفسك لمعاينة هذا الرابط]سابعا :
صاحبنا المتحرش هيدلق كما شوال الخيار أو لنقل برميل طرشى ويبقى مهيض
الجناح .. يعنى لقمة طرية لممارسة الجبروت والتجبر والديكتاتورية اللى
انتى محرومة من ممارستها مع حد .. تقومى رافعة رجليكى كدة وياحبذا لو
لابسة جزمة بكعب أو بوت حلو كدة وتروحى منولاه فى ضهرة



[ندعوك للتسجيل في المنتدى أو التعريف بنفسك لمعاينة هذا الرابط]
ثامنا : فى الاخر عم المتحرش مش هيبقى لا نافع طبلة ولا طار .. ولا حتى هينفع يبقى قطع غيار
وغالبا بعد كدة عم المتحرش ده هيقدم على سفر لبلاد برة

السؤال اللى محيرنى بقى
طب لما واحدة تتحرش بواحد .. وده بيحصل احيانا دلوقت
يعمل ايه ؟؟؟